سؤال ماعرفش جربنا نسأله لنفسنا قبل كده ولا لأ
عمرنا مهما طال ممكن يبقى قد ايه ؟ ٦٠ ، ٧٠ ،٩٠ ولا ١٠٠ سنة حتى
بس مهما عيشنا وهانعيش هتفضل حياة واحدة، خبرة واحدة، تجربة واحدة، طالت قصرت هي مرة والسلام عليكم
الطريقة الوحيدة اللي ممكن تخلي الحياة ضعف وضعفين وتلاتة وعشر اضعاف هي السفر، كل رحلة بحياة، كل سفرية بعمر جديد تضيفه لعمرك، كل مرة بخبرة وتجربة تضيف لعداد حياتك
بس السفر مش باسبور وشنطة وميعاد طيارة، الموضوع أكبر وتفاصيله اكتر وعلشان تقدروا تعرفوا تفاصيله واللي بين سطوره ف تنجحوا في تحصيل أكبر فايدة من اسفاركم ورحلاتكم، خليكم معاية: انا “مروة علي” بعد سفريات كتير قررت انقل لكم خبرات قدرت اعرفها من خلال السفريات دي وكمان خبرات ناس تانية سافرت اكتر مني
معاكم هفك كل شفرات السفر و الرحلات واديلكم كل المفاتيح والأكواد
تابعوا ترافيل كودز بودكاست واعرفوا اكتر، وأتمنى اقدر اضيف لكم ولو معلومة واحدة تفيدكم
